محترم قارئین السلام علیکم! میں خود کو انتہائی خوش قسمت محسوس کررہا ہوں کہ میں عبقری ٹوٹکہ سیکشن کا حصہ بن رہا ہوں۔ میرے پاس ایک مجرب ٹوٹکہ ہے۔ اگر کسی کے سر میں دائمی درد ہو اور ہزاروں روپے کی ادویات سےافاقہ نہ ہو تو ایک بے قیمت سا نسخہ ہے مگر قدر کروڑوں سے زیادہ ہے۔ میرا ایک دوست ہے وہ سالہا سال سے سر کے دائمی درد میں مبتلا ہے۔ اس کو میں نے بتایا کہ بیری کے پتے ایک دیگچی میں ابال کر اس پانی سے نہاؤ‘ فوراً درد ٹھیک ہوجائے گا۔ ایک آدمی کو میں نے بتایا اس نے ایسے ہی کیا‘ دائمی درد فوراً ٹھیک ہوگیا۔ اس نے وجہ پوچھی کہ ہزاروں کی ادویات کھاچکا‘ نامعلوم کتنے ڈاکٹر‘ کتنے حکیم‘ کتنے دم کروا چکا مگر مجھے آرام نہ آیا مگر ایک اتنے آسان اور بے قیمت ٹوٹکہ میں آخر کیا راز پوشیدہ ہے؟ میں نے کہا مردے کو بیری کے پتوں سے غسل کیوں دیتے ہیں کہ حکم ہے کہ بیری کے پتوں سے غسل دو۔ اس میں یقیناً کوئی راز ہے۔ (سید ضمیرالحسن نقوی‘ نوشہرہ ورکاں)

عبقری ٹوٹکہ سیکشن:قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کا راز ٹوٹکے ہی بھیجیں۔